25-nji martda Ýagşygeldi Kakaýewiň adyndaky Halkara nebit-gaz uniwersitetinde orta mekdepleriň okuwçylarynyň arasynda matematika dersi boýunça “Zehinli ýaş matematikler” atly olimpiada geçirildi. Bu barada “Sanly bilim” portaly habar berýär.

Bäsleşik şahsy bäsleşik görnüşinde iki tapgyrda geçirildi. 5-nji martda onlaýn ýagdaýda geçirilen birinji tapgyra ýurduň ähli sebitlerinden 675 mekdep okuwçysy gatnaşdy, olaryň 100-si ikinji tapgyra çykdy.

Olimpiadanyň netijelerine esaslanyp, ýeňijilere uniwersitetiň rektorynyň adyndan 1-nji, 2-nji we 3-nji derejeli diplomlar gowşuryldy.