Magtymguly adyndaky Türkmen döwlet uniwersiteti we “Güneş” žurnalynyň redaksiýasy “Külli ynsan hakyna belent maksat tutany – Türkmenistan – parahatlyk, ynanyşmak Watany!” atly goşgy we makala ýazmak boýunça bäsleşik geçirýär. Bu barada “Türkmenistan: Altyn asyr” habar berdi.

Bäsleşik 2025-nji ýylyň “Halkara parahatçylyk we ynanyşmak ýyly” diýlip yglan edilmegine bagyşlandy. Onuň maksady – ýaş nesliň zehinli wekillerini kesgitlemek.

Şertlere görä Türkmenistandaky orta mekdepleriň okuwçylary ozal çap edilmedik goşgulary we makalalary taýýarlamalydyrlar. Olary 2025-nji ýylyň 1-nji maýyna çenli "Güneş" žurnalynyň elektron poçtasynyň gunesh_tm@sanly.tm salgysyna ýa-da Magtymguly adyndaky Türkmen döwlet uniwersitetiniň elektron poçtasynyň turkmenuniwersitetitdu@gmail.com salgysyna ugratmaly.

Ýeňijileriň atlary maý aýynyň başynda Magtymguly adyndaky Türkmen döwlet uniwersitetiniň web sahypasynda ýerleşdiriler.

Ýeňijiler gymmatly baýraklar we Hormat hatlary bilen sylaglanar.