Merkezi Aziýa ýurtlarynyň, şol sanda Türkmenistanyň ilçileri, Ýewropa Komissiýasynyň halkara hyzmatdaşlyklar boýunça sebitleýin direktory jenap Peteris Ustups bilen duşuşdylar.
Duşuşykda sebitleriň arasynda hyzmatdaşlygyň ileri tutulýan ugurlary, şol sanda 2025-nji ýylyň noýabrynda geçiriljek ÝB–Merkezi Aziýa maýa goýum we ykdysady forumlaryna taýýarlyk bilen baglanyşykly meseleler ara alnyp maslahatlaşyldy. Bu çäreler Merkezi Aziýany ulag, söwda we ýaşyl energetika arkaly Ýewropa bilen baglanyşdyrýan anyk taslamalara gönükdiriler.
Türkmenistanyň ilçisi ýerlerde taslamalaryň iş ýüzünde başlanmagynyň möhümdigini nygtady.