14-16 ýaş aralygyndaky rus türgenleri türkmen kärdeşleri bilen bilelikde stol tennisi boýunça türgenleşigi üçin Aşgabat şäherine geldi. Takyk saýtynyň habarçysynyň habaryna görä, bu Russiýadan we Türkmenistandan gelen ýaş tennisçiler üçin ilkinji bilelikdäki sport okuwy boldy.

Myhmanlar «УМГК» (Ural magdan we metallurgiýa kombinaty, Ýekaterinburg şäheri, Russiýa Federesiýasy) öňdebaryjy klubyň uçurymlary we premýer-liganyň birnäçe ýeňijisi. Olar Olimpiýa şäherçesinde we Türkmen döwlet bedenterbiýe we sport institutynda tälim alýarlar, bu ýerde ajaýyp desgalar häzirki zaman talaplaryna laýyk gelýär.

Okuw sapaklarynyň arasyndaky arakesmelerde, Uraldan gelen ýetginjekler myhmansöýer Türkmenistanyň gözel ýerleri we däp-dessurlary bilen tanyşdyrýan gyzykly medeni we bilim programmasyndan lezzet alýarlar.

«УМГК»-nyň tälimçisi Ilýa Židkow Aşgabadyň sport infrastrukturasynyň amatlylygyny we ägirt uly gerimini öwdi.

"Sport desgalary ýönekeý däl. Uly göwrümli zallar haýran galdyrýar. Bu ýerde ýigitler bilen gaty gowy türgenleşik geçirdik. Türkmen sportçylarynyň ýokary derejededigini belläsim gelýär. Dostlukly oýun esasynda ýaryş diýseň ýiti boldy. Aşgabat türgenleşigi berk sport dostlugynyň başlangyjy boljakdygyna doly ynanýarys" - diýip Ilýa nygtady.