Türkmenistanyň DIM-nde 14-nji awgustda Daşary işler ministri Raşid Meredowyň Ýaponiýanyň Türkmenistandaky Ilçisi Hirosi Sasaki bilen duşuşygy geçirildi.

Taraplar türkmen-ýapon hyzmatdaşlygyna degişli meselelere aýratyn üns berdiler.

Diplomatlar döwletara gatnaşyklaryň geljekki ösüşinde ýokary we iň ýokary derejedäki saparlaryň wajyplygy barada belläp geçdiler. Şunuň bilen baglylykda, taraplar ýakyn geljekde meýilleşdirilýän ikitaraplaýyn we köptaraplaýyn görnüşlerdäki duşuşyklaryň tertibini ara alyp maslahatlaşdylar.

 

Çeşme: Türkmenistanyň Daşary işler ministrligi