“FAW Toyota” awtoulag öndürijisi Hytaýda birnäçe kysymlaryň bahasyny ep-esli arzanlady. Mysal üçin, täze “Land Cruiser Prado 250” 2800 dollar arzanlady, “Toyota Sienna” awtoulagy, “Crown Kluger” krossoweri we “Avalon” sedany 3600 dollar arzanlady.

Iň görnükli arzanladyş - iki meşhur krossoweriň bahasynda: “Corolla Cross” 5000 dollar arzanlap, jemi 12,300 dollara, “Wildlander” (RAV4) bolsa 6000 dollar arzanlap, jemi 17,800 dollara barabar boldy.

Mundan başga-da, gibrid görnüşleri aljaklar elektrik hereketlendirijisine we batareýasyna ömürlik kepillik alyp bilerler.

Bahanyň arzanlamagy ýanwar aýynyň statistikasynyň çap edilmegine gabat geldi: “FAW Toyota” Hytaýda 60,032 awtoulag satdy.