Maýa Kulyýewa adyndaky Türkmen milli konserwatoriýasynda 27-nji fewralda tanymal aýdymçy, Türkmenistanyň halk artisti Medeniýet Şahberdýewanyň 95 ýyllygyna bagyşlanan konsert geçirmäge taýýarlyk görülýär.

Konsertiň maksatnamasyndan öň meşhur aýdymçynyň döredijiligine belet sahna kärdeşleriniň çykyşlary bolar. Konserwatoriýanyň professory we Halk artisti Atageldi Garýagdyýew Medeniýet Şahberdiýewa barada ýatlamalaryny paýlaşar.

Konsertde Medeniýet Şahberdiýewanyň meşhur eserleri, dünýä we milli opera nusgalary we meşhur aýdymlar ýerine ýetiriler.