24-nji martda Täjigistan Respublikasynyň paýtagty Duşanbe şäherinde Halkara şaý-sepler forumy we “Oks hazynasynyň gözbaşynda” atly sergi geçirildi.

Foruma Türkmenistanyň Söwda-senagat edarasynyň we Senagatçylar we telekeçiler birleşiginiň wekiliýeti gatnaşdy. Onuň çäklerinde guralan sergide türkmen senetçileriniň baý däp-dessurlaryny we deňsiz-taýsyz ussatlygyny görkezýän özboluşly milli şaý-sepler görkezildi.

Türkmen wekiliýetiniň gatnaşmagy Türkmenistan bilen Täjigistanyň arasyndaky özara bähbitli gatnaşyklaryň has-da çuňlaşmagyna, milli şaý-sepler sungatyny halkara derejesinde ösdürmegiň mümkinçilikleriniň giňelmegine goşant goşdy.