Astrahanda geçirilen 10-njy Hazar metbugat forumynyň çäklerinde “Serhetsiz Hazar deňzi” žurnalistler bäsleşiginiň ýeňijilerine baýrak gowşurylyş dabarasy geçirildi. Türkmenistanyň wekilleri üstünlikli çykyş etdiler.

“Hazaryň suraty” dalaşgärliginde “Türkmenistan” gazetiniň žurnalisti Ilaman Çuriýew ikinji ýeri eýeledi. Onuň Aşgabadyň ösümlik we haýwanat dünýäsine şeýle hem daşky gurşawa bagyşlanan suratlaryna eminler tarapyndan ýokary baha berildi.

“Hazar ýurtlaryny açmak” dalaşgärliginde birinji orny şol gazetiň žurnalisti Muhammet Bekgiýewe gowşuryldy. “Abaý ýoly ýa-da Häzirki zaman dünýäsinde gazak akyldarynyň parahatçylyk ýörelgesi” atly eseri iň ýokary derejä eýe boldy.

Bäsleşige jemi 120-den gowrak eser hödürlendi we bäş ugur boýunça baýraklar gowşuryldy.

Çeşme: Türkmenistanyň halkara habarlar portaly