Indoneziýada Robotehnika we informatika boýunça dünýä olimpiadasynyň çäklerinde geçirilen «Kompýuter» ugry boýunça taslama bäsleşiginde Halkara ynsanperwer ylymlary we ösüş uniwersitetiniň talyplary birinji orun gazandylar.

 

B.Toýlyýewyň, B.Rejepowyň we Ý.Batyrowyň «Emeli aňy ulanyp awtoulaglary kärendä bermek» atly taslamasy Indoneziýa Respublikasynyň Ýaş Alymlar Assosiasiýasy (IYSA) tarapyndan gurnalan halkara bäsleşigiň eminleriniň ýokary bahasyna mynasyp boldy.

 

Döwletleriň arasynda dostlukly gatnaşyklary ilertletmäge täsir eden taslama bäsleşigine «Daşky gurşawy goramak», «Robotehnika», «Oýunlar» «Fizika we inženerçilik» hem-de «Kompýuter» ugurlary boýunça geçirilen bu olimpiada dünýäniň dürli künjeklerinden jemi 12 döwletden, ýagny Eýrandan, Malaýziýadan, Taýlanddan, Türkiýeden, Meksikanyň, Günorta Koreýadan, Amerikanyň Birleşen Ştatlaryndan, Rumyniýadan, Bangladeşden, Indoneziýadan we Wýetnamdan 30-dan gowrak toparlar gatnaşdylar.