Döwletmämmet Azady adyndaky Türkmen milli dünýä dilleri institutyň hytaý dili mugallymy G.Baýramowa we hytaý dili hünäriniň talyplary Hytaý Halk Respublikasynyň Şensi welaýatynyň Sian şäherinde ýerleşýän Demirgazyk-Günbatar uniwersiteti tarapyndan geçirilýän halkara ykdysadyýet we söwda boýunça tomusky okuw maksatnamasyna gatnaşýarlar. Okuw maksatnamasy 12-nji iýul — 10-njy awgusty aralygynda geçirilip, hytaý dilini öwredýän daşary ýurtly mugallymlaradyr talyplara häzirki zaman usullary boýunça amaly we umumy sapaklary öz içine alýar.

 

Okuw maksatnamasyna gatnaşyjylar Demirgazyk-Günbatar uniwersitetiň muzeýi, kitaphanasy we okuw binalary bilen tanyşdyryldy. Şeýle hem, olara hytaý halkynyň medeniýetini, hytaý medeniýetiniň aýrylmaz bir bölegi bolan çaýyň demleniş usullaryny, milli däp-dessurlaryny tanyşdyrmak maksady bilen, Beýik ýüpek ýolunyň ugrunda ýerleşen gadymy Sian şäheriniň meşhur ýerlerine, taryhy muzeýine gezelençler guraldy.

 

14 — 26-njy iýul aralygynda ady agzalan uniwersitet tarapyndan geçirilýän hünär kämilleşdiriş okuwyna Döwletmämmet Azady adyndaky Türkmen milli dünýä dilleri institutynyň hytaý dili mugallymy G.Rejepowa gatnaşdy.