Türkmenistanyň hokkeý boýunça milli ýygyndy topary Harbinde geçirilen gyşky Aziýa oýunlaryny 10-njy ýerde tamamlady. 9-njy ýer ugrundaky duşuşykda Ylýas Weliýewiň we Guwançmyrat Jepbarowyň oýunçylary Kuweýt toparyna 4:8 hasabynda ýeňildi. Türkmen toparynyň hasabyna Döwrangeldi Baýjaýew iki gol geçirdi, Ahmet Gurbanow we Aleksandr Wahowskiý hem hersi bir gol goşdy.

Indi sekiz topar 2025-nji ýyldaky Aziýa oýunlarynyň çempiony bolmagyň ugrunda bäsleşmegi dowam edýär, çärýek final oýunlary 11-nji fewralda geçiriler.