BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäginde 7-nji awgustda Türkmenistanyň Daşary işler ministriniň orunbasary Ahmet Gurbanow bilen Slowakiýa Respublikasynyň Türkmenistandaky Ilçisi (oturýan ýeri Daşkent şäheri) Wiktor Boreskiniň arasynda duşuşyk geçirildi.

 

Diplomatlar iki ýurduň arasyndaky hyzmatdaşlygyň häzirki ýagdaýyna beýik baha berdiler hem-de ikitaraplaýyn we halkara düzümleriň çäginde ileri tutulýan ugurlary ara alyp maslahatlaşdylar.

 

Taraplar BMG-niň Deňze çykalgasy bolmadyk ösüp barýan döwletler boýunça üçünji maslahatynyň (LLDC3) gazananlaryny ara alyp maslahatlaşdylar we halkara platformalarynda konstruktiw hyzmatdaşlygy dowam etdirmek barada ylalaşdylar.

 

Boreski slowak tarapynyň adyndan şu ýylyň dekabrynda Aşgabatda Türkmenistanyň hemişelik Bitaraplygynyň 30 ýyllygy mynasybetli geçiriljek Halkara parahatçylyk we ynanyşmak forumyna gatnaşmaga gyzyklanma bildirdi.

 

Çeşme: Türkmenistanyň Daşary işler ministrligi