2025-nji ýylyň 14-nji fewralynda başlaýan Türkmenistanyň Futbol federasiýasynyň Kubogyny almak ugrundaky bäsleşik Aşgabatdan Ahal welaýatynyň Gökdepe etrabynyň Babarap genşelindäki sport internat-mekdebiniň meýdançasyna geçirildi. Bu barada ýurdumyzyň Futbol federasiýasynyň metbugat gullugy habar berdi.

Toparlaryň altysynyň – “Arkadag” (Arkadag şäheri), “Ahal” (Ahal welaýatynyň Änew şäheri), “Şagadam” (Balkan welaýatynyň Türkmenbaşy şäheri), “Merw” (Mary welaýatynyň Mary şäheri), “Aşgabat” (Aşgabat şäheri), “Nebitçi” (Balkan welaýatynyň Balkanabat şäheri) toparlarynyň gatnaşmagyndaky Kubok bäsleşiginiň ýeňijileri bir aýlawda geçiriljek duşuşyklaryň netijesinde kesgitlener.